Ginbawian sang kabuhi ang isa ka 2-anyos nga bata nga babaye matapos nga malunod sa baha sa banwa sang Matanog, Maguindanao del Norte.
Ginkilala ang bata nga babaye nga si alyas Norhainy nga resodente sang Barangay Bugasan sa nasambit nga banwa.
Suno sa pamilya sini, wala natalupangdan sang iya pamilya nga nadula si Norhaniy kaupod ang isa pa ka bata nga lalaki bangud sa pagpanik dulot sang mabaskog nga baha tuga sang pagbuhos sang ulan.
Gilayon nga ginreport sang pamilya sini sa mga otoridad ang pagkadula sang duha ka mga bata kun diin pagkaligad sang duha ka adlaw nga search and retrieval operation nasapwan ang bangkay sang bata nga babaye sa bahin sang Barangay Bugasan.
Sa karon, nagapadayon pa ang pagpangita sang mga otoridad sa isa pa ka bata nga lalaki nga naanod sang baha sa nasambit nga lugar.
Nahibaluan nga ang banwa sang Matanog sa Maguindanao del Norte ang isa lamang sa mga banwa sa nasambit nga probinsiya nga nakaeskperiensiya sang malapnagon nga baha.
