Arestado ang isa ka lalaki matapos makuhaan sang droga, baril kag mga armass sa ginlunsar nga search warrant operation sang mga operatiba sang Malungon Municipal Police Station sa Purok 2, Barangay Atlae, Malungon, Sarangani Province, Martes, Hulyo 9, 2024.
Ginkilala ni Police Lieutenant Colonel Geovannie Ladeo, hepe sang Malungon Police Station ang arestado nga si alyas “GEORGE” 33 anyos, may asawa, kag residente sang Purok 2, Barangay Atlae, Malungon, Sarangani Province.
Suno kay PLTCol Ladeo, ginpatigayon ang pagserbe sang search warrant sang gintingob nga pwersa sang mga operatiba sang Malungon Municipal Police Station kag PDEU, PIU, 1st SPMFC SPPO, RSOG 12.
Nakumpiska gikan sa suspek ang isa ka yunit sang Colt 45 Hartford nga may 2 steel magazine kag 15 live ammunition, tatlo ka (3) medium rectangular kag isa ka medium heat-sealed transparent plastic sachet nga may unod nga white crystalline substance sang ginapatihan nga shabu, kag isa (1 ) ka transparent tube improvised totter nga may kabug-ayon nga 1.5 gramo subong man may Standard Drug Price nga Php6,900.00.
Magapangatubang naman ang suspek sang kaso nga paglapas sa Sec 28, Art II ng R.A. 10591 ukon Comprehensive Firearms and Ammunition Regulation Act, kag Sec. 11, Art II sang R.A. 9165 ukon Comprehensive Dangerous Drugs Act of 2002.
