Nagpahinumdom si Senator-Judge Raffy Tulfo sa House Prosecution team nga maghalong sa pagpili sang ila mga testigo agud indi masayang ang oras sa nagapadayon nga impeachment trial.
Sa iya manifestation sa Senado, ginpahayag ni Tulfo nga may mga testigo nga ginapresentar ang prosecution nga para sa iya indi kinahanglan nga mag-atubang pa sa impeachment court.
Suno sa senador, dapat mangin mas hapsay ang pagpresentar sang ebidensya kag mga testigo bangod limitado ang oras sang paglilitis.
“Kung minsan ’yung prosecution, sorry ha, pumapalpak-palpakan kayo. There are times na naglalagay kayo ng mga witness dito na hindi naman kailangan talaga. Nagsasayang lang tayo ng oras,” siling ni Tulfo.
Ginpahanumdum man niya ang prosecution nga maghalong sa pagpresentar sang mga testigo kag sa pamaagi sang pagpamangkot sang ila mga abogado.
Nangin sentro sang iya komento ang direct examination ni House Prosecutor Bel Zamora kay Police Major Jerickson Sangalang, Records Division chief sang Philippine National Police Firearms and Explosives Office (PNP-FEO).
Samtang, nagpahayag man ang prosecution sang ila pagsumiter sang sabat sa mga komento ni Tulfo samtang nagapadayon ang impeachment trial.
