Tigayon na nga nangin layi ang Republic Act 11997 ukon ang Kabalikat sa Pagtuturo Act matapos ini nga pirmahan ni Pangulong Ferdinand Marcos Jr.
Sa idalom sang Kabalikat sa Pagtuturo Act, pagahimuon na nga P10,000 kada tuig ang teaching allowance sang mga manunudlo sa mga pampubliko nga buluthuan.
Ang nasambit nga allowance ang igabakal sang mga gamit, materyales kag galastuhan sang mga guro sa ila nga pagtudlo.
Nagtambong sa signing ceremony sa palasyo sang Malakanyang sanday DepEd Secretary Sara Duterte, Senate President Chiz Escudero kag Speaker Martin Romualdez.
Sa school year 2025-2026 mangin epektibo ang nasambit nga layi.
Sa nangin pamulong-pulong ni Pangulong Ferdinand Marcos Jr., ginpahayag sini nga ang nasambit nga layi ang makabuhin sa palas-anon sang mga manunudlo.
Gindugang pa sang Presidente nga may mga manunudlo man nga pila ka dekada na nga nagakuha sa ila kaugalingon nga bulsa para ibakal sang mga materyales sa classroom.
Wala man nagtambong sa ceremonial signing si DepEd Secretary kag Vice President Sara Duterte apang si DepEd Spokesperson Michael Poa ang nagtambong sa nasambit nga event.
