KORONADAL CITY – Nakatalana nga magapanghatag sang bugas ang lokal nga panggamhanan sa Syudad sang Koronadal sa masobra sa 25,000 ka mga pamilya nga tuman nga naapektuhan sang El Niño Phenomenon.
Suno kay City Disaster Risk Reductiom Management Officer Cyrus Urbano,makabaton sang 5 ka Kilos sang bugas ang nakatalana nga igapanghatag sang LGU Koronadal sa 27 ka mga kabarangayan.
Dugang pani Urbano nga kalakip sa mga makabaton sang hinambitan nga ayuda amo ang mga mag-uuma nga naga panag-iya sang uma,mga mamumugon ukon laborers,mga Flower Vendors kag manugpamaligya sang Mais nga apektado sang El Niño.
Gin paklaro man ni Urbano nga nga ang paglista sang mga benipisyaryo sa kada kabarangayan ang nag agi sa Community Affairs Unit kag sang CDRRMC agud mapasiguro nga lehitimo nga benipisyaryo nga makabaton sang hinambitan nga ayuda.
Sa karon, nagapadayon ang pag- re-pack sang mga bugas dira sa bahin sang Regional Evacuation Center sa Brgy.San Jose sa Syudad sang Koronadal.
