KORONADAL CITY – Naglab-ot na sa halos 700k ang mga rehistrado nga mga botante sa probinsya sang South Cotabato// Ini ang nangin pahayag ni Atty. Jay Gerada- Provincial election Supervisor sang South Cot. sa interview sang Bombo radyo Koronadal.
Suno sa iya, ang nasambit nga numero ang padayon nga naga kadugangan bangud sa padayon nga pagparehestro sang pila ka mga panibag-o nga mga botante, mga nangin inactive kag mga may ara sang ginbag-o ukon gin update sa ila nga datos.
Dugang pa sini,padayon sa gihapon ang pagpreparar sang Commission on Elections para sa maabot nga mid-term elections sa Pilipinas sa Mayo 12, 2025.//Suno sa Comelec, malapit na nila malab-ot ang target nila nga 3 milyon nga botante sa pungsod.
Pahayag ni Comelec Chairman George Erwin Garcia, sa tion nga magkadto sa registration site ang pila ka mga indibidwal, wala lang naga-apply kundi nagapa-reactivate man ang iban bangud anay na nga registered voters.
Samtang, sa tion naman malab-ot ang target nga bag-o nga numero sang mga botante, magasaka na sa 71 milyon ang mahimo magboto sa mid-term elections.
