KORONADAL CITY- Nangin daku nga pagpanghangkat sa subong nga tuig sa mga muslim ang bag-o lang gid takup nga Ramadan bangud sa tuman ka init nga paniempo nga ma esksperiensiyahan.
Ini ang nangin pahayag ni South Cotabato Muslim Affairs Chief Sultan Mutalib Sambuto sa interview sang Bombo Radyo Koronadal.
Suno sa iya, daku ang nangin epekto sang mainit nga panahon sa pagpuasa sang mga ini sa tion sang adlaw hangtod nga magtunod ang adlaw bangud.
Mahibaluan ang sa tion sang pagpuasa, wala naka kaun , naga inom kag miski magtulon sang laway ang mga muslim base man sa ila nga tradisyon.
Suno pa sa opisyal , wala man nangin upang ang tuman ka maini nga panahon sa kadam-an sa mga muslim nga tapuson ang puasa sa kada adlaw.
Nagpaningbulahan man ini sa tanan nga mga muslim sa bilog nga kalibutan sa opisyal nga pagtakop sang balaan nga bulan sang Ramadan sa diin masadya nga ginhiwat sang mga muslim sa bilog kalibutan kahapon ang Eidl Fitr.
