KORONADAL CITY – Ginpanginwala sang Hepe sang Libungan PNP nga legal ang drag racing activity sa ila nga lugar.
Sa interbyu sang Bombo Radyo Koronadal kay PMajor John Mindel Calinga, ang Hepe sang Libungan PNP ginpahayag sini nga wala sang drag racing sa ila lugar, kag wala ini ginatugutan sa ila nga area.
Ang ini nga isyu ang nagtuhaw makaligad nga magahatag sang reward money nga P500,000 ang himata sang mag-asawa nga si Genevieve kag Florante Villela nga napatay makaligad nga nabanggaan sa mga motorsiklo nga nag-drag race sa bahin sang Highway sa Libungan.
Madumduman nga dead on the spot nga napatay ang asawa nga si Genevieve samtang sunod man nga napatay ang bana sini nga si Florante nga gindangat pa makaligad sa ospital sang Davao City.
Naga pangayo sang hustisya ang pamilya sang mga biktima, maghatag sang P500,000 ang pamilya sa mga handlers sang nasambit nga drag race agod nga magapanabat ang mga ini.
Ginpahayag pa ni Danilo Lausa, tiyo sang napatay nga mga biktima nga maghatag sila sang reward money kung amo lang suno pa sini ang pamaagi agod mapadali ang pagdakop sa mga suspek.
Gindugang pa sang opisyal nga padayon man ang ila nga monitoring agud indi na maliwat pa ang ini nga panghilitabo.
