KORONADAL CITY- Nagdugang sang 500 pa ka mga militar ang kasamtangan nga gin deploy agud nga magbulig sa security mission sang mga kandidato sa palaabuton nga October 30 barangay at Sangguniang Kabataan elections sa mga lagyo nga mga lugar sa bahin sang BARMM kag Central Mindanao.
Nag abot ang dugang nga kasuldaduhan sang Biyernes, October 20, 2023, sa Cotabato City Airport ang C130 Air Force plane nagikan sa nagkalain-lain nga Army divisions sa Luzon sa sini nga pamaagi,makaboto ang tanan nga mga botante kag wala sang matabo nga failure of election sa Datu Odin Sinsuat, Maguidanao del Norte.
Ini ang ginpasiguro sang 601st Infantry Brigade commander Brigadier General Oriel Pangcog kadungan sa ginhimo nga walk for peace kag covenant signing sang mga kandidato sa banwa.
Preperado suno pa ang militar, militar, PNP, Navy kag Marines nga magbantay sa bug os nga Datu Odin Sinsuat agud indi mahadlok nga maguwa kag magboto ang mga botante sa lugar.
Duha ka adlaw antes ang eleksyon, ginalauman nga igalapta na ang tanan nga pwersa sang militar sa banwa.
Tinutuyo sini nga iga-mainatin ang kalinong kag mauntat ang plano nga pagpanharas sang mga supporters sang pipila ka mga kandidato sa Barangay.
Samtang ginsiguro man sang Maguindanao del Norte Police Provincial Office Provincial Director Police Colonel Salman Sapal nga mangin luwas kag malinong ang eleksyon sa probinsya.
Aprubado man suno pa ang dugang nga PNP Personnel agud magbantay sa mga hotspot area sa probinsya labi na ang Datu Odin Sinsuat.
Nagpasalamat naman si Nobleza sa MILG-BARMM sa suporta sa programa sang PRO-BAR nga maytinutuyo nga mangin malinong kag matawhay ang October 30 barangay at SK elections.
