Apektado sang pagbaha ang pipila ka mga kabanwahanan sang Probinsya sang South Cotabato bangud sa tuman nga pagbuhos sang mabaskog nga pag-ulan sa lugar.
Ini ang nangin pahayag ni Mr. Rolly Doane Aquino, PDRRMO South Cotabato sa interbyu sang Bombo Radyo Koronadal. Suno sa iya ang mga lugar nga apektado amo ang banwa sang Tantangan, Tupi , kag Polomolok nga kung sa diin sa kabug-usan naglab ot sa 1400 tanan ka mga indibidwal ang apektado nga may kabug usan 150 tanan ka mga pamilya.
Nagapadayon sa karon ang ila nga clearing operation sa mga nag-apaw nga mga kanal kag sapa labi na sa Tupi. Suno pa sa opisyal, nagapadayon man sa ila sa karon ang damage assessment sa danyos nga ginbilin sang kalamidad.
Nahibaluan nga may yara sang mga nagkalaguba nga mga dalan, gulleys kag mga creeks bangud sa mabaskog nga buhos sang ulan. Luwas sini, apektado man ang mga agrucultural, environmental kag damo pa.
Dako naman ang pagpasalamat sang opisyal nga wala sang may narecord nga mga fatality apang sa pihak sini padayon sa gihapon ang iya nga pagpanawagan nga maghalong kag mangin vigilante ilabi na ang mga residente nga yara sa mga lugar nga ginakonsiderar nga prone sang pagbaha kag landslide.
