Ginsabat naman ni City Mayor Eliordo Ogena ang panawagan sang mga PUV Drivers sa Public Terminal nga may yara sang nagakaigo nga malawig-lawig nga solusyon para sa nasambit naman nga panawagan.
Sa interbyu sang Bombo Radyo Koronadal kay Mayor Eliordo U. Ogena, ginpahayag sini nga isa sa mangin solusyon sini amo ang pag-amyenda sang ordinansa nga naga sugo sa tanan nga mga modern jeepneys nga naga-agi sa Public Terminal kag ang hugot nga pagpatuman sang local public transport route plan (LPTRP) para sa mga tricycles.
Suno pa sa alkalde, indi man madali-dali ang ila nga hingyo apang sa karon mas ginapakamaayo niya na lamang nga magahatag ini sang ayuda sa mga apektado nga mga vendors kag drivers kasubong sang paghatag sang food packs nga magaserbe sang temporaryo nga solusyon.
Dugang pa ni Ogena nga bukas ini sa dayalogo sa mga apektado agud hibaluon ang ila nga mga reklamo. Ginhatagan man sini sang punto nga makigdayalogo sila sa YBLI agud ang pagpadala sang pipila ka bus units sa Public Terminal kung nakapadal na sang sulat o nakaistorya na ang mga apektdao nga drivers kag vendors sa Public Terminal.
