KORONADAL CITY- Gilayon nga nagdihon sang Special Investigation Task Group ang pulisya agud nga matutukan ang ginahiwat nga imbestigasyon sa nagluntad nga pagpamomba sa isa ka double decker bus sang Husky Tours sa Terminal Isulan, Sultan Kudarat.
Ini ang ginpahayag ni Police Col. Christopher Bermudez, Provincial Director sang SKPPO sa interbyu sang Bombo Radyo Koronadal// Suno sa opisyal, siya ang nagatindog sa karon nga SITG Supervisor, samtang SITG Commander naman si PLtCol Richelu Alucilja ang hepe sang Isulan Municipal Police Station.
Dugang pa ni Bermudez, may ginatumod kag ginatutukan naman sila nga mga persons of interesr sa bus bombing apng wala pa nila ginahatag ang kabug usan nga detalye kung ano nga grupo ang ila nga ginatumod amo man ang signature sang IED.
Suno pa sa opisyal, yara sa tatlo ka tao ang ginatan aw nga mga suspek sa pagpamomba.
Apang sa pihak sini, hindi sa gihapon ginkakas ang motibo nga extortion sa kumpnaya sang bus.
Madumduman, nga luwas sa isa ka ngalupok nga ekspolisbo, may isa pa ka narekober ang mga miyembro ng Explosive Ordnance Disposal o EOD team nga isa ka Improvised Explosive Device o IED nga gilayon naman nga nadetonate.
Ginpasiguro naman ni Bermudez nga nakaalerto ang mga otoridad agud nga indi na maliwat pa ang inisidente.
Madumduman, nga naglab ot sa 7 ang napagkit nga pilason sa pagpamomba kag sa karon kasamtangan nga nagpaayo sa Sultan Kudarat Provincial Hospital.
