KORONADAL CITY- Naglab ot sa 96 ka mga pamilya ang apektado sang baha sa North Cotabato makaligad nga may pila ka mga serye sang mga pagbaha sa nasambit nga banwa tuga naman sang wala untat nga pag ulan sa diin dala man sang Low pressure area sa diin apektado man ang bahin sang Mindanao.
Ini ang ginkumpirma ni Ms. Joeremae Balmediano, Information Officer sang Office of the Civil Defense 12 sa interbyu sang Bombo Radyo Koronadal.
Suno sa iya, padayon ang ila nga monitoring bangud sa ulan nga naga dala sang pagbaha sa pila ka mga banwa nga iya nga nasakupan.
Kahapon sang hapon, nakapagkit sang pagbaha sa bahin sang banwa sang Matalam , North Cot. sa diin pila sa mga alagyan nga mga tulay ang temporaryo nga wala gin paagyan sa mga motorista bangud sa pag-awas sang tubig sa mga ini kag sa kahadlok man nga maanod ang mga maga tilaw sa pagtabok.
Apang ginpklaro man sini nga makaligad ang 2 tubtub 3 ka oras nga pagbantay sang pila ka mga otoridad, gindeklarar naman nga “passable”ang mga ini.
Sa karun naga padayon pa ang pag assess sa lugar kag mangin man sa kaipi nga lugar nga amo naman ang Cotabato City, Sultan Kudarat kag iban pa .
