KORONADAL CITY- Wala na naglab-ot pa nga buhi sa ospital ang isa ka manugbibi kag pagkapilas sang upod sini sa nagluntad nga pagpangluthang pasado alas 12:00 sang kaaganhun dira sa bahin sang Prk. Kabugwason Brgy Cacub sa Syudad sang Koronadal.
Ini ang nangin pahayag ni Kapitan Oscar Magluyan, sang bargy. Cacub, Koronadal sa interbyu sang Bombo Radyo Koronadal.
Ang napatay nga biktima ang ginkilala sa kay JESSEL FALCIS DABLEO 35 anyos samtang pilason pilason nga gindangat ang kaupod sini nga ginkilala sa kay DANDY AQUINO CATALAN 34 anyos lunsay mga manugbini kag residente sang Purok Riverside,Brgy.Liberty sa banwa sang Norala South Cotabato.
Sa imbestigasyon sang Koronadal City PNP,nahibaluan nga nagakatulog na ang mga biktima sa ila nga tolda sang ginpangluthang ini sang suspek nga ginkilala lamang sa kay alyas “Paga” Estrada gamit ang isa ka Shotgun nga armas luthang .
Nag agom sang igo sang bala si Dableo sa iya nawala nga dughan nga nangin tunaan sang iya kamatayon,samtang nag agom man sang pagkapilas sa iya natuo nga hita si Catalan kag kasamtangan nga ginadapatan sang nagakaigo nga pagbulong sa South Cotabato Provincial Hospital.
Samtang nagapadayon pa ang imbestigasyon sang mga kapulisan sa pagkilala sa suspek nga nagapabilin nga Atlarge.
