KORONADAL CITY- Naga preparar na sa subong sang pamunuan sang Yellow Bus Lines Inc. ang posible nga pagdagsa sang mga pasahero sa tagsa ka mga terminals sa palaabuton nga undas ukon kalag-kalag agud nga mag-puli sa probinsiya.
Ini ang nangin pahayag ni Mr. Bernard Bolanio, Operation’s Manager sang YBL Inc. sa interview sang Bombo Radyo Koronadal.
Suno sa iya, dako ang posibilidad nga maga dinaguso naman sa terminal ang luyag magpapa-uli kag mag komemorar sang mga minatay nga ila pinalangga sa kabuhi.
Ginpasiguro man sini nga preparado antes ang adlaw sang kalag-kalag ang tanan nga mga tinawo sang ila nga talatapan para sa epektibo nga operasyon sang ila nga kompanya.
Nagpahanumdum naman ini sa tanan nga luyag mga sakay sa ila nga units nga likawan ang pagdala sang mga gina dumilian nga mga kagamitan para wala sang anu man nga estorbo sa biyahe kag mangin luwas kag maayo man nga pag-padulong sa tagsa ka mga destinasyon ang mga sumalakay.
