KORONADAL CITY- Pormal na nga ginproklamar sang Australia si King Charles III bilang head of state, nga amo ang pinakauna nga bag-o nga hari sa sulod sang 70 ka tuig.
Ini ang gin kumpirma ni bombo Denmark Suede,BINC to Australia sa interview sang Bombo Radyo Koronadal// Suno sa iya, ginbaton na sang Australia ang panibag-o nga liderato sang hari nga successor sang nagtaliwan nga si Queen Elizabeth II.
Ang proklamasyon ginhimo ni Australian Governor-General David Hurley sa parliament sang Pungsod sa Canberra.
Dugang pa sini, pagahiwaton naman sa Setyembre 22 ang national day of remembrance sa tion nga makabalik na si Prime Minister Anthony Albanese gikan sa Britain kon sa diin magatambung siya sa lubong sang reyna.
Samtang ang kaingud sini nga Commonwealth country nga New Zealand ang opisyal naman nga nagproklamar kay King Charles bilang ila head of state.
Madumduman nga isa ang Australia sa Commonwealth countries sang UK sa diin ginakilal nila ang monarkiya nga Head of State.
