KORONADAL CITY – Pagatutukan sang panibag-o nga General Manager sang South Cotabato Electric Cooperative I (SOCOTECO-1) ang naga data nga illegal nga wire tappers kag jumpers sa mga linya sang kuryente bangud sa dako nga system loss.
Ini ang nangin pahayag ni Atty. Ramie Armada, Incoming nga General Manager sang SOCOTECO 1 sa interview sang Bombo Radyo Koronadal.
Suno sa iya, dako nga problema sang power provider ang mataas nga system loss bangud sa illegal nga pagpangkabit sang kable sa mga linya sang kuryente.
Bangud sa nasambit nga aktibidad kag mataas nga system loss, makarga ang charge ukon bayad sa mga member-consumers kag mangin kabahin ini sang kalugian sang SOCOTECO-1.
Suno pa sa iya, pagatutukan sang iya nga palaabuton nga administrasyon ang mga serye sang pagpangawat sang kuryente bangud mag luwas sa makalugi ang ini nga butang mangin delikado man ini sa mga naga kabit sang illegal nga kable sa mainline nga mangin tunaan sang kamatayon sang mga ini.
