Kadalag-an gikan sa mabudlay nga struggle sang aton mga ancestors ang kahulugan sang selebrasyon sang Independence Day.
Ini ang pahayag ni Professor Julius Ubas, isa ka Historian kag manunudlo sang NDMU sa eksklusibo nga interview sang Bombo Radyo.
Apang suno kay Ubas, may pila ka mga frustrations nga makabig sa maragtas sang pungsod bangud wala ini ma-rekognisar world wide sang tuig1898 kag kasubong nga indi insakto ang isip nga ika-124 ka tuig na nga anibersaryo subong nga adlaw, Hulyo 12, 2022.
Dugang pa sini, pila lamang ini sa mga “confusion” sa maragtas sang pungsod apang ang pinaka-importante nga naga-signify ini sang kahilwayan sang Pilipinas.
Sa kada tuig, ginapahanumdom ang mga Pilipino nga indi nangin mahapos ang kabuhi sang aton mga ancestors ilabi na ang mga nagpakigbato nga ginakabig naton mga “Katipunero” batuk sa mga mananakop sang pungsod.
Gani kadungan sang selebrasyon sang Independence Day, ginaawhag man ni Ubas indi lamang ang mga kabataan kundi ang tanan nga makaangkon sang Self Determination nga mangin saladigan sang aton direksiyon sa kabuhi.
