KORONADAL CITY – Nagpaghayag sang pagkadismaya ang mag-asawa ng Maguad sa nangin pamatbat sa duha ka mga menor de edad nga akusado sa brutal nga pagpatay sa ila nga mga kabataan.
Madumduman nga ginpatay ang mag-utod nga Maguad sa sulod mismo sang ila puluy-an sa M’lang, North Cotabato sang Disyembre 10,2021 sang mismo kabulig sang mga ini nga ginpaeskwela sang ila ginikanan kaupod ang isa pa ka kriminal.
Nagluntad pa ang tensiyon sa Hall of Justice sang Kabacan sang ginpatigayon ang promulgation sang kaso bangud sa pagpahayag sang kaakig kag emosyon sang mag-asawa nga Maguad.
Ini matapos nga ginkomprontar mismo ba sang mag-asawa nga Cruz kag Lovella Maguad ang mga akusado kag mga ginikanan sang mga ini matapos ang promulgation.
Yara sa 17 ka tuig ang ginpahamtang nga penalidad sang korte sa duha ka akusado sa kada count sang murder case.
Rason nga sa kabug-usan yara lamang sa 34 ka tuig ang kinahanglan nila nga serbisyuhan kada isa sa sulod sang presuhan.
Halos dismayado naman kag kaakig ang nagpangibabaw indi lamang sa mag-asawa nga Maguad kundi mangin sa mga himata, abyan kag nakakilala sa mga biktima.
