-- ADVERTISEMENT --
KORONADAL CITY – Nakapagkit na ang Integrated Provincial Health Office (IPHO) South Cotabato sang pinakauna nga kaso sang firecracker-related injury sang tinalikdan nga selebrasyon sang Paskuwa sang Disyembre 25, 2021.
Isa ka 18-anyos nga lalaki ang nalukpan sang kwitis nga residente sang banwa sang Polomolok.
Nakaangkon ini sang burn injury matapos nga malukpan.
Kaangot sini, hugot nga nagapanawagan ang IPHO sa mga pumuluyo nga maghalong kag magin responsable sa pag-gamit sang palupok kag fireworks.
Gin-awhag man sang IPHO ang tanan nga mag-usar na lamang sang alternatibo nga paagi agud malikawan ang disgrasya.
Ginarekomendar man ang tanan nga maglantaw na lamang sang community fireworks display.
