KORONADAL CITY-Maga-abot sa halos P20 million ang balor sang ginkawat nga bulak sa isa ornamental farm sa bahin sang Barangay San Isidro Koronadal City. Suno kay Hylenne Esquillo Trinidad, 24 anyos ,isa ka businesswoman kag bata sang tag-iya sang Bedrock Ornamental Plant Farm sa eklusibo nga interview sang Bombo Radyo Koronadal.
Suno sa iya, ulihi na sang namutikan sang ila nga pamilya nga nadula na ang 10 ka paso nga may Philodendron Variegated Billietae nga tanom sa ila nga farm nga masobra sa P 20 million nga halin suno pa sa Thailand kag isa sa mga ginabaligya sang mga ini sa ila nga online selling session.
Madasig namn nga gin review sang ila nga pamilya ang kuha sang ila nga Close Circuit Television (CCTV) kag na ispatan ang pag-alsa sang wala pa makilal-an nag salarin sa mga ginkawat nga pananom.
Nag-guwa sa imbestigasyon sang mga otoridad nga ginsaka sang mga suspek ang isa ka bahin sang ila nga concrete wall nga may army wire kag gin-isa-isa nga gin kawat nga mga malahalon nga pananum. Sa subong , nagapadayon ang imbestigasyon sang mga kapulisan sa mga suspek nga responsable sa pagpangawat.
Magahatag naman sang padya ang Bedrock Ornamental Plant Farm sang tunga sa million sa sino man nga makatudlo kag makabalik sa mga ginkawat nga Philodendron Variegated Billietae.
