KORONADAL CITY – Natunga ang reaksiyon sang mga driver sang mga Public Utility Vehicle (PUVs )kag ang riding-public angot sa pagkakas sang mga protective plastic barriers sa mga closed vehicles labi na ang vans.
May mga nagpahayag nga mas conveniente ang pagsakay sa mga PUVs nga wala sang plastic barriers bangud masami nga masangit ang pila ka mga kagamitan sang mga ini sa mga plastic covers.
Ginpunto man sang pila sa ila nga ang iban nga plastic barriers ang tuman na ka higko bangud sa malaka lamang ini ginalimpyohan sang iban nga mga drivers.
Samtang sa pihak nga bahin, may mga nagpahayag man nga apesar nga diyutay lamang ang porsiyento sini, makabulig gihaponn ini sa pag likaw sang pagkalaton sang mga balatian.
May nagapati man nga mas maayo na lamang nga hulaton ang desisyon sang mga opisyal sang tagsa-tagsa ka ma LGU sa ini nga tikang ukon ang mando man sang gobyerno national.
