Nagpahayag si Banga Mayor Albert Palencia nga naghatag man sang dugang nga bulig si Cabinet Secretary Benjamin “Benhur” Abalos Jr. sa iya pagbisita sa Banga National High School, dugang sa mga assistance nga ginahatag sang Local Government Unit kag National Government.
Sa interview sang Bombo Radyo Koronadal, ginpahayag ni Palencia nga magapadayon ang modular classes sa mga estudyante. Suno sa iya, magpagwa ang mga otoridad sang bag-o nga memorandum para sa pagpatuman sini sa masunod nga semana.
Padayon man ang trauma care intervention para sa mga ginikanan kag estudyante sa Banga, nga ginapatigayon sang Department of Social Welfare and Development (DSWD) kaupod ang Department of Education (DepEd).
Samtang, ginpahayag ni Palencia nga pagaistrategyahan sa miting sang Parents-Teachers Association sa Oktubre 1, 2026 ang mga tikang para mapabakod ang seguridad sang mga kabataan sa sulod sang mga buluthuan.
Kabahin sa pagatalakayon ang bag-o nga House Bill nga nagahatag importansya sa pagbinuligay sang LGU, DepEd kag mga ginikanan para sa seguridad kag kaayuhan sang mga estudyante.
