KORONADAL CITY – Patay sa pagpamuno ang isa ka lalaki matapos nga na-tripan lamang ini sang isa ka hubog samtang nagatambong sa birthday party sang co-worker sini sa Brgy. Carpenter Hill, Koronadal City.
Ginkilala ang biktima nga si Edgar Baliling Jr., 30 years old, may asawa kag duha ka kabataan nga residente sang Brgy. Libas, Tantangan, South Cotabato samtang ang suspek ang ginkilala kay Alvin “Tabi” Intoy, 31 years old, single, kag residente sang Purok Bagong Silang, Brgy. Carpenter Hill, Koronadal City.
Sa eksklusibo nga interview sang Bombo Radyo kay Ginang Ma. Fe Brañairos, nany sang suspek, nagluntad ang insidente pasado alas-2 sang kaagahon, Agosto 2, 2024.
Samtang nagakinasadya nagamaoy suno pa ang suspek kag nagapangita sang bikil gani nagkadto ang nanay sini kag ginguyod ang iya nga bata sa sulod sang ila balay.
Nangihi suno pa ang Nanay kadali bangud sa kakulba apang nagdalagan ang suspek kun diin ginbuno sini sang makaduha ka beses ang biktima nga yara sa video k machine.
Bangud sa ginhimo sang suspek, ginpulihan ini sang kulata sang mga tawo nga yara sa birthday party apang nahimo pa ini nga makapalagyo.
Sa karon, nagapanawagan ang nanay sang suspek nga magsungka na ini agud sabton ang iya ginhimo nga krimen.
