Ginabulubanta nga ₱2.75 trilyon ang gin-ulat nga nadula sa ekonomiya sang Pilipinas halin sa ikaduha nga quarter sang 2025 bangud sa epekto sang korapsyon kag inflation, suno kay Senate President Win Gatchalian.
Suno kay Gatchalian, lakip sa ginatawag nga actual losses ang pagnubo sang government construction kag household consumption, samtang yara naman sa opportunity losses ang mga investment nga wala natuman bangud sa kahadlok ukon pangduhaduha sa korapsyon.
Kaangot sini, gin-report sang Philippine Statistics Authority nga nagtubo sang 5.5 porsyento ang ekonomiya sang Pilipinas sa ikaduha nga quarter sang 2025.
Apang suno sa OECD, naghinay ang pagtubo sang ekonomiya sa ikaduha nga bahin sang 2025, kasabay sang dako nga pagnubo sang public construction kag paghina sang household consumption nga gin-angot sa corruption scandal sa public works.
Samtang, suno sa Philippine News Agency, nag-nubo sang 51.7 porsyento year-on-year ang government infrastructure spending sang Abril 2026, nga nag-abot lamang sa ₱41.5 bilyon halin sa ₱85.8 bilyon sa amo man nga bulan sang 2025.
