Ginpakamalaot ni Defense Secretary Gilberto Teodoro Jr. ang China matapos ini magpahayag sang pagpanguna ukon pagkontra sa Balikatan Exercises, kag ginpahayag nga dugay na ini nga indi transparent kag may “sinister” nga tuyo ang Beijing.
Ginpatigayon ang Balikatan Exercises upod sang tropa sang Pilipinas, Estados Unidos, kag Japan, amo ang pinakamalapad nga joint military drills, nga nagalakip sang live-fire exercises sa norte kag sa West Philippine Sea nga sentro sang tensyon.
Nauna na nga nagpaandam ang China nga ang nasambit nga drills mahimo magdala sang indi pag-intindihaya kag gintawag ini nga “paghampang sang kalayo.”Suno kay Teodoro, ini nga mga ehersisyo kabahin sang “collective deterrence,” kag kun kontra ang China, posible nga nagapakita ini nga naapektaran ang ila plano kag ginaduso nga expansionist agenda.
Sa pihak nga bahin, gin-ako sang kalihim nga limitado pa ang pag-usar sang Enhanced Defense Cooperation Agreement (EDCA) sites bangud sa isyu sa duta, bisan pa pinalapad ini sang 2023 sa idalom ni Presidente Ferdinand Marcos Jr.
