Natalana nga pasakaan sang mga kaso nga human trafficking si suspended Bamban, Tarlac Mayor Alice Guo kag ang iya mga kakunsabo subong nga semana.
Ginpaathag ni Presidential Anti-Organized Crime Commission (PAOCC) spokesperson Winston Casio nga mahimo mangin liable ang suspendido nga alkalde sa nasambit nga kaso bangud may yara ini sang partial ownership sa properties kun diin nagluntad ang suno pa ang mga aktibidad sang human trafficking sa gin-raid nga POGO hub sa Bamban.
Rason nga kumpiyansa sila nga mapasaka ang kaso nga human trafficking charges batuk sa alkalde.
Ginpahayag man ni Casio ang isa ka probisyon sa idalom sang anti-human trafficking law nga nagapahamtang sang penalidad sa mga nagapanag-iya sang mga edifisyo kag properties nga nagapahanugot nga gamitin ini para sa aktibidad sang human trafficking.
Paathag sang opisyal nga apisar ginpahayag ni Mayor Guo nga ibaligya niya ang iya nga Baofu land share antes pa man nagdalagan sa pagka-alkalde sang 2022, may yara ini sang sala bangud nagpirma sa lease contracts sa tunga sang gin-raid nga Philippine Offshore Gaming Operator (POGO) nga Zun Yuan Technology Inc. kag realty estate company nga Baofu Land Development Inc. nga ginapanag-iyahan sang compound nga ginaokupa sang POGO.
Kun madumduman, nga una na gin-ako ni Mayor Guo nga isa siya sa anay incorporator sang Baofu.
