Nakahimo sang maragtas ang 18-anyos nga teenage football player sang Team Spain matapos makasulod ang ila koponan sa semifinals sang 2026 World Cup bangud sa ila madul-anay nga kadalag-an kontra Belgium.
Sa iya pagdula sa quarterfinals, opisyal napagkit ni Lamine Yamal ang iya ikaanum nga appearance sa World Cup.
Bangud sini, siya na ang una kag pinakabata nga football player sa bug-os nga maragtas sang football nga nakahimo sini sa edad nga 18 anyos—isa ka rekord nga wala gani nahimo sang Brazilian football legend nga si Pelé sang iya kapanahunan.
Antes sang iya maragatason nga World Cup campaign, nakaagom anay si Yamal sang hamstring injury sang Abril, apang gilayon man siya nakaagi sa kinahanglanon nga medical procedures kag nakabalik sa paghampang.
Sa iya una nga World Cup tournament, nakapasulod siya sang isa ka goal sa iya una nga sugod nga hampang kontra Saudi Arabia sa inisyal nga hugna sang kompetisyon.
Bangud sa iya dako nga kontribusyon kag sa mabakod nga performance sang Team Spain, opisyal nga nakauswag ang koponan sa World Cup semifinals.
Ini ang ila una nga pagsulod sa semifinals halin sang ila pagkakampeon sang 2010.
Sa Hulyo 13, isilebrar ni Yamal ang iya ika-19 nga kaadlawan, isa ka adlaw antes maghampang ang Team Spain sa semifinals.
Atubangon sang Team Spain ang Argentina nga ginapangunahan sang football legend nga si Lionel Messi.
