KORONADAL CITY – Yara na sa kustodiya ng mga otoridad ang ginakabig nga rank 8 Regional Most Wanted Person matapos maaresto sa ginpatigayon nga operasyon sa Crossing sang Brgy. Kablon, Tupi, South Cotabato, kagab-i, Agosto 5, 2024.
Ginkilala ng wanted person nga si alyas “Ronron”, 20 anyos, soltero kag residente sang Brgy Polonuling, Tupi, South Cotabato.
Suno sa Tupi Municipal Police Station, alas-9:31 sang gab-i sang naaresto ang suspek sandig sa warrant of arrest nga ginisyu ni Hon. Jose Contridas Blanza Jr. sang Regional Trial Court 12th Judicial Region, Branch 22, General Santos City para sa kaso nga Rape with Homicide nga wala sang ginrekomendar nga piyansa.
Ang pagkaaresto sa mga wanted person ang isa lamang sa mga madinalagon nga operasyon sang kapulisan agud mapabilin ang kalinong kag katawhayan sa pungsod.
