-- ADVERTISEMENT --
Sa pihak sang panawagan sang Senado nga ipaiway ang pagpatuman sang Public Utility Vehicle Modernization Program (PUVMP), ginpanindugan sang Department of Transportation nga magapadayon ang pagpatuman sini.
Matandaan nga sang tinalikdan nga Miyerkules, 22 sa 23 ka mga Senador ang nagpirma sang Senate Resolution 1096 nga nagaduso sa gobyerno nga temporaryo ipaiway ang pagpatuman sang PUV Modernization.
Suno kay DOTr Undersecretary Andy Ortega, ginarespeto sang ahensiya ang panindugan sang Senado, apang padayon sang mga ini ipatuman ang programa kag kay-uhon ang mga isyu nga gina-atubang sang mga stakeholder.
Nahibaluan nga sa karun may 36,217 pa ka mga Public Utility Vehicle kag 2,445 nga ruta ang nagapabilin nga unconsolidated.
