Ginapakita sang Banwa sang Polomolok ang ila pagkilala bilang “Pineapple Country” paagi sa ila Bahay Kubo Display sa T’nalak Festival 2026.
Sa interview sang Bombo Radyo Koronadal, ginpahayag ni Municipal Agriculturist Sam Domaoan nga ginpreparar sang LGU Polomolok ang ila entry agud ipakita ang panguna nga industriya kag lokal nga mga produkto sang banwa.
Ang Bahay Kubo nga may disenyo sang pinya ginbutangan sang nagkalain-lain nga farm commodities, processed products, kag iban pa nga produkto nga ginahimo sa Polomolok.
Suno kay Domaoan, nag-umpisa ang pagtukod sang exhibit sang Hunyo 29. Bisan kulang ang tion sa preparasyon, nagbuligay ang nagkalain-lain nga departamento sang LGU agud makahimo sang organisado kag kompetitibo nga presentasyon.
Samtang, ginpaambit man ni Domaoan ang pagpasalamat sa mga opisyal kag empleyado sang lokal nga panguluhan nga nagbulig sa proyekto nga nagapakita sang kultura kag kusog sang agrikultura sang Polomolok.
