-- ADVERTISEMENT --
Ginplastar ni Atty. Niña Aguilar, head sang Anti-Money Laundering Division sang Metrobank, ang ending balances sang mga bank account nga konektado kay Vice President Sara Duterte, sa iya bana nga si Atty. Mans Carpio, kag sa ila mga kabataan.
Ginpresentar ni Aguilar ang mga bank records sa ika-35 nga adlaw sang impeachment trial batok sa bise presidente sini nga Miyerkules.
Kabahin ini sang presentasyon sang prosecution sang mga financial records nga may kaangtanan sa alegasyon sang “unexplained wealth” ukon indi maipaliwanag nga manggad batok kay Vice President Duterte.
