-- ADVERTISEMENT --
Sulod na sa quarterfinals sang women’s boxing 50kgs. division si Aira Villegas.
Nakuha sang Pinay boxer ang unanimous decision batuk kay Romaysa Boulam sang Algeria.
Sa una nga round, dominado ni Villegas ang away kun diin ginpaulanan sini sang sumbag ang Algerian boxer.
Ginpilit pa nga maglagas ni Boulam apang wala nagpasugot si Villegas tubtob tigayon nga natapos ang last round kag gindeklarar siya nga amo ang nagdaug.
Aminado si Villegas nga sa umpisa nakulbaan ini apang ginakabig sini nga regalo sa iya kaadlawan ang kadalag-an.
Nahibaluan nga natuon sa birthday sini ang iya nga sambuwa batuk sa Algerian boxer.
Nagalaum naman ini nga mangin maayo ang madason nga hampang sang Pinay boxer.
