Ginpahayaga ni US President Donald Trump nga makig-istorya suno pa siya kay Russian President Vladimir Putin sa Huwebes agud hisgutan ang detalye sang pagkapatay sang isa ka laboratory worker sa isa ka plague research center sa Siberia.
Suno kay Trump, tinguhaan niya nga mahibaluan ang kamatuoran kag dugang nga impormasyon bahin sa insidente.
Apang wala ginpamatud-an ni Kremlin spokesman Dmitry Peskov nga matabo ang phone call sa tunga nila Trump kag Putin.
Ginpahayag man niya nga ang ginpatuman nga mga tikang sa insidente amo ang yara sa standard practices nga gina-rekomendar sang World Health Organization (WHO).
Ginpahayag pa ni Peskov nga may yara sang mga report sa media nga indi husto ang impormasyon nga ginapalapnag parte sa insidente.
Una na nga nagpadala ang White House sang diplomatic message sa Russia para mangayo sang dugang nga impormasyon.
Samtang, ginaiimbestigahan sang Russia ang pagkapatay sang 28-anyos nga biktima nga ginaduduahan nga may kaangtanan sa pneumonic plague.
Suno sa mga report, ang mga tawo nga nakapalapit sa biktima nag-negatibo man sa ginahinalaan nga balatian.
Ang pneumonic plague isa ka seryoso kag makalalaton nga porma sang plague nga mahimo maglapta paagi sa respiratory droplets kag nagakinahanglan sang gilayon nga pagbulong.
