Ginpasidunggan sang Armed Forces of the Philippines ang isa ka katapu sang Philippine Navy nga nag-angkon sang malubha nga injury sa ginpatigayon nga resupply mission sa Ayungin shoal sang Lunes, Hunyo 17 matapos nga gin-harass sang Chinese forces.
Ginhatag kay Seaman First Class Jeffrey Facundo ang “wounded personnel medal” gikan kay AFP chief Romeo Brawner Jr. nga personal nga ginbisita ang bedridden nga Navy personnel.
Kadungan sini, ginpahayag ni Brawner sa pilason nga Navy personnel nga magpaayo kag indi madulaan sang paglaum bangud nakahanda sila nga ihatag ang panginahanglanon sini.
Ginpasalamatan man ni Facundo ang AFP sa ginhatag nga medalya kag pagkilala sa iya.
Apang, wala na ini nagsaysay pa angot sa naangkon nga injury sa kasagsagan sang ila nga resupply mission bangud indi siya otorisado nga magpaguwa sang statement sa natabo.
Una na nga nga nareport nga ginbalabagan, ginbungguan kag nagsaka pa ang mga China Coast Guard personnel sa dyutay nga bangka sang Pilipinas nga nagresulta sa pagkapilas sang walo ka tinawo sangn PH Navy samtang ginapatigayon ang resupply mission.
