Ginpabutyag ni Presidente Ferdinand Marcos Jr. sa iya ikalima nga State of the Nation Address (SONA) nga may mga kaso nga ipasaka batok sa pila ka opisyal, mamalidha kag kontratista nga imbolbado sa ginapahayag nga anomalya sa mga flood control projects.
Ginpahayag sang Presidente nga lakip sa ginapaabot nga kasuhan sang Ombudsman ang iya pakaisa nga si Leyte Rep. Ferdinand Martin Romualdez.
Suno sa Presidente, apisar masakit ini bilang pamilya, ginpahayag ni Marcos nga kinahanglan niya himuon ang husto bilang Presidente sang pungsod.
Samtang, nagpagwa sang pahayag si Romualdez pagkatapos sang SONA nga ginarespeto niya ang desisyon sang Presidente.
Ginpabutyag man niya nga wala siya sang nalapas nga kasuguan kag preparado siya nga atubangon ang kaso kag pamatud-an ang iya inosente sa nagakaigo nga legal nga proseso.
Gindugang ni Marcos nga obligasyon sang gobyerno ang pagpatuman sang kasuguan kag pagpasiguro nga wala sang bisan sin-o ang labaw sa layi.
