-- ADVERTISEMENT --
Ginpahayag sang Malacañang nga diversionary tactic ang pahayag ni VP Sara Duterte nga ginapuntirya siya sang administrasyon bangod frontrunner siya sa 2028 presidential election.
Ginsabat ini sang Palasyo pagkatapos magsiling si VP Sara nga gusto ni Presidente Ferdinand Marcos Jr. nga magpabilin sa sa posisyon bilang presidente gani ginaduso sini ang impeachment case batok kay Duterte.
Suno kay Palace Press Officer Claire Castro, ginahimo lang suno pa ni VP Sara ang istorya agud matabunan ang isyu sang iya paggamit sang confidential funds kag iban pa nga reklamo nga kabahin sang impeachment.
Ginpangabay man sang Palasyo nga sabton ni VP Sara ang mga alegasyon kag indi magpanago sa naratibo nga frontrunner siya sa 2028.
