Sa pihak nga nangin dulaan sa Senado, gina-insister sang mga kaalyado ni Senator Ronald “Bato” dela Rosa nga makapakigbahin ini sa impeachment trial sang iya kaalyado nga si Vice President Sara Duterte paagi sa video teleconferencing.
Suno kay Atty. Adonis Gabriel, isa ka professor halin sa San Beda University, posible ini nga matabo kon mag-adopt sang rule ang Senado nga nagapasugot sang partisipasyon ni Bato gamit ang video teleconferencing.
Kon sundon lamang ang Rule 14, Section 41 sang Senate Rules, mahimo maka-convene kag makapatigayon sang session paagi sa teleconference kag video conference kon may force majeure ukon sa tunga sang national emergency nga iga-determine sang majority members sang Senado.
Sa opinyon ni Batangas 2nd District Rep. Gerville Luistro, kinahanglan nga personal nga magtambong ang isa ka impeachment judge bangud mandato sang konstitusyon agud may husto nga apresasyon sa mga ebidensya nga ipresentar.
Apang, bisan nga mabag-o pa ang Senate Rules, ginsiling man sang iban nga law experts nga kinahanglan gihapon ni Bato nga magsumpa sang personal bag-o makapungko bilang isa ka Senate judge.
