Kakulangan sa industriya nga nagahatag sang obra ang isa sa ginalantaw nga rason sa mataas nga numero sang underemployment sa syudad.
Ini ang nangin pahayag Atty. Rj Sustiguer, Executive Vice President sang South Cotabato Chamber of Commerce and Industry, sa exclusive interview sang Bombo Radyo Koronadal.
Suno kay Sustiguer, bangud sa kakulangon sa mga industriya sa syudad sang Koronadal, madamo ka mga inidbidwak, ilabi na ang mga fresh graduates nga mapilitan na lang magobra sang indi in line sa ila natapusan nga kurso.
Bangud sini, suno kay Sustiguer, mapilitan na lang man ang mga empleyado ilabi na ang yara sa informal sectors nga batunon ang sweldo nga manubo pa sa minimum wage.
Ginpahayag man ni Sustiguer nga kinahanglan sang syudad nga e-develop ang manufacturing industry bangud ini ang maghatag sang dalan para sa maglambo sang pungsod.
Sa pihak nga bahin, ginpakigbahin man ni Sustiguer ang malain nga epekto sang Rice Tarrification Law sa lokal nga mga mangunguma ilabi na sa epekto sang imported products.
Bangud sini, ginpanawagan ni Sustiguer sa gobyerno nga tun-a sa liwat ang nasambit nga layi bangud tuman ka apektado sini ang mga lokal nga mangunguma.
