Nagasalig si Senate Committee on Foreign Relations Chairperson, Sen. Imee Marcos sa kalig-on sang bag-o nga majority bloc sa Senado.
Suno sa senador, nagapabilin nga lig-on kag solid ang 13 ka miyembro sang majority.
Ini bisan pa ginareport nga masami ini ginagub-an ukon ginadisturbo ang mga miyembro sang amo nga bloc.
Sang ginpamangkot ang senador sa posible nga “maghudas” ukon magbiya sa grupo sang mayorya, ginpabugal sang senador nga solid kag mabaskog ang relasyon sang majority bloc kag indi matabo ang nasambit nga espekulasyon.
Madumduman nga nakreer ang bag-o nga Senate majority bloc sang Mayo 13nga amo ang nagbulig agud maeleher si Sen. Allan Peter Cayetano bilang Senate President sang senador.
GInkabug-usan sang 13 ka senador ang bloc kun sa diin lakip si Sen. Ronald “Bato” Dela Rosa, apang ini nga miyembro nadula man pagkatapos sang madinalag-on nga leadership change.
Suno kay Marcos, padayon ang pakig-angut sa mga miyembro sang majority tubtob subong, kag ginapaninguhaan pa nga may mga miyembro nga mapalapit ukon magbalhin sang alyansa.
