KORONADA CITY – Ginpasalamatan ni South Cotabato Governor Reynaldo Tamayo Jr. ang tanan nga mga talatapan sang probinsiya nga nagbulig kun ngaa nakasulod ang probinsya sa rank 3 richest provinces sa Mindanao base sa ginpaguwa nga datos sang Bureau of Local Government Finance.
Sa interview sang Bombo Radyo Koronadal kay South Cotabato Governor Reynaldo Tamayo Jr., ini ang halin man sa kontribusyon sang mga account receivables nga wala na-credit sang 2023 nga naglab-ot sa halos Php1 Billion pesos.
Kaangot sini, nagalaum naman ang opisyal nga sa subong nga tuig 2024 mangin number 1 na ang probinsya sa pinakadako nga kita bangud sa ginalauman nga magaabot sa Php5 Billion pesos nga magasulod sa kita sang probinsya.
Dugang pa sang gobernador nga dako ang hatag sang lokal na finance office kag mga departamento sa pag-generate sag pundo.
Isa man sa nakita sang opisyal amo ang economic enterprise sang South Cotabato sa pag-generate sang pundo agud nga masuportahan ang mga social services parehas sang libre nga hospitalisasyon, edukasyon kag iban pa nga programa sang gobyerno.
