Pormal na nga ginpirmahan ni Presidente Ferdinand Marcos Jr. ang hagna nga nagapapot-poned sa Barangay and Sangguniang Kabataan Elections (BSKE) pakadto sa bulan sang Nobyembre 2028.
Ginkumpirmar ini ni Palace Press Officer Undersecretary Claire Castro.
Sa idalom sang naaprubahan nga kasuguan nga kilala bilang Republic Act No. 12326, ginpatod-an man nga mangin lima (5) ka tuig na ang termino sang mga nagapungko nga opisyal sang barangay kag SK.
Tungod sa sini nga tikang, ang eleksyon nga una nga gintalana sa masunod nga mga binulan opisyal na nga gin-move, kag ang mga kasamtangan nga opisyal magapadayon sa ila serbisyo kag mga programa para sa komunidad kag kabataan.
Samtang ginapaabot ang bag-ong petsa sang botohan, ginapaabot man sa publiko kag sa mga botante nga padayon nga bantayan ang paggamit sang pondo kag ang pagpatuman sang mga hagna sa tagsa ka barangay.
