KORONADAL CITY- Nakasentro sa pagpakigbato sa mga plastic waste ang pagselebrar sang Earth Day subong nga tuig.
Sa interbyu sang Bombo Radyo Koronadal kay Mylai Santos, ang Ecoteneo Davao, ila ginaganyat ang tanan nga batuan ang paggamit sang mga plastic products// Pila sa mga pamaagi sini amu ang pag-re-use, kag recycle sang mga plastic.
Suno sa iya ang Earth Day ginaselebrar bilang tuigan nga aktibidad sang mga tawo sa bilog nga kalibutan agud labi pa nga mapasangkad ang ihibalo sang mga tawo may kaangtanan sa palibot, subong man agud maghimo sang mga tikang agud proteksyunan ang kalibutan.
Sa karon, nagahiwat ang mga ini sang conference agud mapalapnag ang importansya sang pagkinot ukon pag-conserve sang tubig.
Ginpahayag dugang sang natungdan nga kabahin man sang kawsa sang grupo amo ang ang pagprotehir kag pakigbato batok sa illegal nga mining.
Nahibaluan nga ang nasambit nga Earth Day subong nga tuig may tema nga “Planet vs. Plastic”.
