KORONADAL CITY – Nagapadayon ang imbestigasyon sang mga otoridad sa pagpangluthang patay sa isa ka negosyante kag kustomer sini bahin sang bagsakan Supermarket Mother Barangay Poblacion Cotabato City pasado alas kwatro sang kaagahon, Sabado, Agosto 9,2024.
Ginkilala sang Cotabato City PNP ang mga biktima nga sanday Bai Sla Sendad, 48 anyos kag Guiamal Kahal,55-anyos nga lunsay residente sang nasambit nga lugar.
Naguwa sa imbestigasyon sang mga otoridad nga ginluthang si Bai Sla Sendad samtang nagapreparar sang iya nga balugya samatang nadalahig lamang ang kostumer sini nga si Guiamal Kahal.
Sa karon, nagapadayon pa ang imbestigasyon sang mga otoridad sa insidente kag ginahibalo ang motibo sang krimen subong man kun sin-o ang mga suspek nga may kahimuan.
