Nagtaliwan na sa edad nga 77 ang Oscar-winning British film producer nga si Jeremy Thomas.
Suno sa iya publicist, nagtaliwan ang beterano nga filmmaker sa iya puluy-an sa Oxfordshire, England.
Naglab-ot sa lima ka dekada ang karera ni Thomas sa industriya sang pelikula kag nangin kilala sa bug-os nga kalibutan bilang producer sang mga bantog nga pelikula.
Lakip sa iya mga gin-produce ang The Last Emperor kag Sexy Beast.
Nakaupod man niya ang mga kilala nga direktor kasubong kanday David Cronenberg, Nagisa Oshima, Julien Temple kag Nicolas Roeg.
Ang The Last Emperor nagdaog sang siyam ka Academy Awards, lakip ang Best Picture, samtang nakakuha man si Thomas sang Best Producer award sa Oscars.
Nagsugod si Thomas bilang film editor antes siya nagsulod sa production.
Ang iya una nga production role amo ang 1976 Australian film nga Mad Dog Morgan.
Sang 2006, ginkilala man siya sang European Film Academy paagi sa Outstanding European Achievement in World Cinema award bilang pagkilala sa iya kontribusyon sa industriya sang pelikula.
