Magapasaka sang kaso nga murder kag frustrated murder ang kampo sang National Bureau of Investigation (NBI) kag Philippine National Police (PNP) may kaangtanan sa pagpatay kay anay board secretary sang Philippine Charity Sweepstakes Office (PCSO) Wesley Barayuga.
Suno sa NBI Organized kag Transnational Crimes Division (OTCD), nga amo ang nag-iimbestigar sang kaso, lakip sa mga igapasaka nga kaso ang mga personalidad nga may kaangtanan sa ambush sang tuig 2020.
Kung sa diin lakip sa mga respondents sa reklamo amo si anay PCSO general manager Royina Garma, former National Police Commission commissioner Edilberto Leonardo, kag mga opisyal sang kapulisan nga sanday Jeremy Causapin, Santie Mendoza kag Nelson Mariano.
Madumduman nga nag-udyok ang kaso pagkatapos maghatag sang testimonya si Mendoza sa Quadcom parte sa insidente sang Hulyo 30, 2020, kun sa diin napatay si Barayuga sa isa ka ambush malapit sa opisina sang PCSO sa Mandaluyong.
Sa iya testimonya, gin-akusaran ni Santie Mendoza sanday Royina Garma kag Edilberto Leonardo bilang utak sa pagpatay kay Wesley Barayuga, nga gilayon nga ginpanigwala ni Garma kag Leonardo ang akusasyon.
