Ginabantayan man sang Filipino community sa United States of Amerika ang dalagan sang kaso ni anay US President Donald Trump.
Ini ang ginkumpirma ni Bombo International News Correspondent Jelin Dohina-Asamoah sa eksklusibo nga interview sang Bombo Radyo Koronadal.
Suno kay Asamoah, apisar nga na-convict na si Trump kag napamatud-an nga nakasala sa sa korte sa New York sa tanan ngas 34 counts sang pagpameke sang iya nga business records, madamo gihaponn ini sang tagasuporta kag ma-impluwensiya sa Amerika.
Amo gani nga maisog man ini nga nagpaguwa sang statement agud nga baliskaron kag kwestyunon ang pamatbat sa iya.
Nahibaluan nga ginabasa sang 12 ka hurado ang nasambit nga findings nila sa atubangan ni Justice Juan Merchan.
Ang 34 counts ang gikan sa 11 invoices, 12 vouchers kag 11 tseke nga halin naman sa bulanan nga reimbursement ni Trump gikan sa pagbayad niya kay MIchael Cohen.
Si Cohen ang nagrepresentar kay Trump para bayaran sang $130,000 si adult star Stormy Daniels.
Kabaylo sang bayad nga ini agud maghipos na si Daniels kag indi na pag-ibuyagyag nga nakaangkon sila ni Trump sang relasyon agud indi ini maguba sa election sang 2016.
Ginpasalamat man ni Judge Merchan ang mga hurado kun diin gintalana sa Hulyo 11 ang pagbasa na sang pamatbata kay Trump.
Ginbalibaran naman sang judge ang hingyo sang abogado ni Trump nga si Todd Blanche nga kun mahimo ibasura na ang mga kaso.
Sa karon, ginahulat na lamang kun pila ka tuig ang mangin penalidad ni trump matapos siya nga maconvictar.
Apang, desidido ang kampo sini nga mag-sang-at man sang apela.
