Ibinasura ng Taguig City Prosecutor’s Office ang reklamong perjury na inihain ni Vice President Sara Duterte laban sa umano’y dati niyang aide na si Ramil Madriaga.
Sa 19-pahinang resolusyon, sinabi ng prosecutors na hindi sapat ang mga ebidensiyang iniharap upang patunayan na nagsinungaling si Madriaga sa kanyang sinumpaang salaysay.
Ayon sa tanggapan, walang sapat na batayan upang maitatag na nilabag ni Madriaga ang Article 183 ng Revised Penal Code o ang probisyon hinggil sa perjury.
Inihain ni Duterte ang reklamo noong Marso bilang tugon sa reklamong isinampa ni Madriaga sa Office of the Ombudsman, kung saan sinabi nitong nakapag-deliver siya ng malaking halaga ng pera sa iba’t ibang indibidwal umano alinsunod sa utos ng Bise Presidente.
Sa kabila ng pagbasura sa reklamo, nakabatay ang desisyon ng prosecutors sa pagsusuri sa ebidensiyang iniharap kaugnay ng alegasyon ng perjury.
