KORONADAL CITY – Naglab-ot sa 50 tanan ka mga baka ang gin letchon sa pinaka-una nga HALAL LECHON BAKA Festival ” sa Mindanao nga ginhiwat sa bahin sang Provincial Capitol Grounds, Isulan Sultan Kudarat Province bilang parte sang Eid’l Adha Celebration kag Halal Industry at Halal Tourism sa probinsiya.
Sa pahayag ni Sultan Kudarat Governor Datu Pax Ali Sangki Mangudadatu, nag-umpisa ang selebrasyon kahapon alas kwatro sang hapon asta mag-gab-e sa Capitol grounds sa diin 50 ka mga Halal Lechon Baka (Roast Beef) ang ginpakaun sang libre sa tanan nga nagtambong kag nakig-sadya sa selebrasyon.
Dugang pa sini, tuyo sang nasambit nga aktibidad amu ang mapromite ang Halal Roasting Industry, Halal Tourism kag potentials of Halal Poultry Farming sa Pilipinas.
Madumduman nga ang Provincial Government ng Sultan Kudarat kag ang Sultan Kudarat State University ang may ara na sang gintukod nga Halal Slaugther House sa banwa sang Lutayan kag plano man sang mga ini nga magtukod sang Halal Laboratory kag Halal Food Terminal sa Tacurong City.
Malipayon naman ang gobernador sa suporta kag pakig-upod sang tanan nga alkalde sa probinsiya agud mangin madinalag-on ang nasambit nga aktibidad.
