Ginpabutyag sang isa ka mangunguma sa Barangay Caloocan, Koronadal City ang iya pagkadismaya sa pagnubo sang presyo sang humay kumpara sa nagligad nga cropping season.
Sa interview sang Bombo Radyo Koronadal kay Marcelino Valdez, iya ginpahayag nga indi man tuman nga naapektuhan sang El Niño ang iya pananom bangud sa patubig nga gina-provide sang National Irrigation Administration ukon NIA.
Apang, suno kay Valdez, dako gihapon ang ila ginaatubang nga problema bangud sa pagbarato sang presyo sang humay nga nagalab-ot na lamang sa P18 kada kilo.
Ginpahayag niya nga mas maayo pa ang ila kita sang nagligad nga cropping season bisan wala pa sang El Niño, kumpara subong nga yara ang epekto sang init kag nagnubo pa gid ang presyo sang ila ani.
Suno pa kay Valdez, nagadugang sa kabudlayan sang mga mangunguma ang indi maayo nga presyo sang humay bangud bisan makapadayon sila sa produksyon paagi sa patubig, indi gihapon garantiya nga mabawi ang ila kapital kag makakuha sang ensakto nga kita.
